Aðsóknin í Meistardardeild Líflands og æskunnar var gríðarmikil fyrir keppnisárið 2021 og margar umsóknir bárust um þátttöku og í fyrsta sinn þurfti að vísa umsækjendum frá. Samþykktar voru 44 umsóknir einstaklinga og verða liðin í deildinni því 11 talsins í vetur.
Allir umsækjendur hafa fengið svar við sinni umsókn. Þeim sem var hafnað að þessu sinni, bendum við á að vera virk að fylgjast með mótunum í vetur og taka þátt í mótum á næsta keppnistímabili til að öðlast dýrmæta keppnisreynslu. Þeir sem fengu umsóknir sínar samþykktar eru boðnir velkomnir til leiks.
Dagsetningar móta verða sem hér segir, með fyrirvara um nauðsynlegar breytingar:
7. febrúar - V1
21. febrúar - F1
7. mars - T2
21. mars - T1
11. apríl - Gæðingafimi
ódagsett - Gæðingaskeið, úti
Að auki er stefnan að halda skemmtilega fyrirlestra fyrir hópinn, efna til kynningar á liðunum og fleira. Svo það er margt sem hægt er að gera þrátt fyrir samkomutakmarkanir og þess háttar.
Vefurinn er í mikilli uppfærslu núna, skiljanlega þar sem ný lið verða kynnt og upplýsingar um þau munu koma smátt og smátt inn. Svo fylgist með!
Stjórn MLÆ
Comments