Umsóknir veturinn 2025
- gudbjorgannag
- Sep 1
- 1 min read
Updated: Sep 2
Meistaradeild Líflands og æskunnar verður haldin í níunda sinn veturinn 2025.
Sú breyting verður nú á deildinni að þátttöku aldur verður hækkaður úr 13 ára í 14 ára og miðast deildin þá við unglingaflokk,14-17 ára á keppnisárinu (fædd 2009-2012).
Áhugasamir knapar eru hvattir til að sækja um og skila inn keppnisárangri af löglegum mótum ársins 2025. Allir sækja um sem einstaklingar en þátttakendur velja sig sjálfir saman í lið að inngöngu lokinni.
Hvert lið er skipað fjórum knöpum og keppa allir í öllum keppnisgreinum sem reynir þó nokkuð á hestakost og er mikil og krefjandi skuldbinding, en jafnframt reynsla.
Keppt verður í: Fjórgangi V1 – Fimmgangi F1 - Gæðingalist- Tölti T1, slaktaumatölti T2 og gæðingaskeiði PP1.
Umsóknareyðublað má finna hér að ofan og skal umsækjandi hlaða því niður og vista í sinni tölvu, fylla það út og senda inn. Umsóknarfrestur er til og með 20 september 2025 og skal senda umsóknina á netfangið: meistaradeildaeskunnar@gmail.com
Reglur deildarinnar verða kynntar vel á fundi allra þátttakenda og aðstandenda þeirra í haust, þar sem lið verða kynnt til leiks og keppendur skrifa þá einnig undir knapasamning um þátttöku í deildinni.
Okkur vantar einnig öflugt fólk í stjórn þannig að ef einhver hefur áhuga á og vill bjóða fram krafta sína, þá endilega heyrið í okkur.
Stjórn Meistaradeild Líflands og æskunnar.